شِنگ کن:
(مھرنگءِ نامءَ)
چوں واب پوشاں، دیار معنا کنان جُنزیت
چراگ جیڑیت گُبار معنا کنان جُنزیت
کئے اِنت کہ زَیمانءَ سارتیں زَیمیگ پوشگا اِنت
کئے اِنت کہ لَیل و نھار معنا کنان جُنزیت
چراگ آجوئیءِ بَلان اَنت تئی متاچاں
اے اَھد پتّو بھار معنا کنان جُنزیت
آ ارسی تْرمپے کہ آبلہ کنت شپءِ جبینءَ
چو پُل تْرانیت سگار معنا کنان جُنزیت
ھمک ڈیواءَ بالگا اِنت شھیدیں دودے
آ یک دردےءِ چار معنا کنان جُنزیت
آ ساربانانی انچیں سئوتے نہ گُشتہ کسّءَ
کہ سرگِران اِنت ودار معنا کنان جُنزیت
یک انچیں وابے ھزار بچّ ءُ جنکّاں دیستہ
آ یکّیں وابءَ ھزار معنا کنان جُنزیت