شِنگ کن:
بے تالہی پہ من زریت من کہ زراں پہ تالہے
اے نستگیں زند ءَ وتی تانگو براں پہ تالہے
روکیں غمانی کورہاں تاکد سُچاں تئی ہاترا
تاکد پہ تئی من واہگ ءَ چوبُنگراں پہ تالہے
یاتانی کوش ءَ کشّ اِتگ مہرءِ زبادیں مولماں
من ترانگانی گریشگ ءَ در پہ دراں پہ تالہے
دل تئی غماں پاہار کنت دیدگ شل انت ارساں ستر
چوں بیت کنت راہچاری ءَ من دمبراں پہ تالہے
داتگ سکین عیؔد سوہوئیں ذرد ءِ ہنوشیں واہگاں
تو ہم بہ مر پہ تالہے، من ہم مراں پہ تالہے