شِنگ کن:
بنوش ہر تہاریءَ ءُ روک بُوّگی نہ اِنت
گنوک بوتءُ پہمتہ گنوک بُوّگی نہ اِنت
ہما زمانگ ءَ پتو ہُدوک اِتاں، من زانتگ اَت
کہ مردمءَ را اے وڑا ہُدوک بُوّگی نہ اِنت
چو درپشنا کیں شیٓرےءَ ببات ےٓ روشنا مدام
شٓیر ہر دپ ءَ رچوک بُوّگی نہ اِنت
پتو اے تیوگیں جہاں، گنوک بیت بہ بیت، بلے
ترا پہ اے دیوانگءَ گنوک بُوّگی نہ اِنت
تیٔ درد وہدے گوں منا دُچار کپت گشتگ ۓ
کہ عشق ءَ کوہن کپتگ ےٓ تہ نوک بُوّگی نہ اِنت
منیر کسّے الوتاں چراگ کنتءُ بال دنت
بلے زمانگ ءِ شپ ءَ را روک بُوّگی نہ اِنت