شِنگ کن:
درد ءِ نِیل بومیں زِر ءِ رنج ءُ عذاب ءَ دَرمیا
واہگ ءِ بوجیگ چہ اوست ءِ تیاب ءَ دَرمیا
او منی دیوانگیں دِل، روچے تئی کہ سرکپیت
مِہرک ءِ مِہر ءِ مسیت ءَ، بے ثواب ءَ دَرمیا
بلکنہ پہ تئی لقاہ ءَ یک بدیں چمّے کپیت
تو وتی کُلّ ءَ چہ ہجبربے نقاب ءَ دَرمیا
بیگہاں ملگوراں شنگ ءُ پہ سواد ءَ سربِگر
کئے ترا گُشتگ کہ باریں ترّ ءُ تاب ءَ دَرمیا
ندٛر ءُ کولیگاں کہ روچے ترٛانگءِ شانتل منی
شال ءِ بازار ءَ روئے تو بے گُلاب ءَ دَرمیا
وَید ءُ اِنجیل ءُ زبور ءُ پاکیں قرآن ءَ ابید
تو ہما لبزئے کہ بانک ہچ کتاب ءَ دَرمیا
محشر ءِ روچ ءَ ترا باگیں بہشت بِلّے رسیت
تو او ممتاز مِہرءِ آس ءِ چہ زَراب ءَ دَرمیا