شِنگ کن:
نظیریءِنامءَ
اے چتوریں سرگنوکاں، پہ کے ءَ ودار، بنداں
کسے دامنے نہ کرزیت، اے دلاں کوار، بنداں
کہ سرْپ انت، امشپی تئی گلیں دید ءِ آسُمی پلّ
چشیں دْروگ روچ رحمی تئی دزگہار بنداں
منی عہد ءِ ایردستی، تئی وہد ءِ بادشاہی
تئی شپ تہار، آجو، منی بام سار بنداں
تو چوآزمان ءِ دْرین ئے، من سمین اے زمینءِ
من ءَ سانکلاں نہ داراں، ترا سہر ءِ ہار، بنداں
منی راہ ءِ چیر گیج انت، منی واہگانی شہ جو
من ءَ تبد چوں پتایاں من ءَ چوں لوار بنداں
اے انار، انارکانی، چو بہشت ءِ ماہکانی
’’خِم ابرو نگاریں، چوشب نگار بنداں‘‘
ادءَ شاد کے پہ ہوش انت، ادءَ ہر کہ ’’وت شموش‘‘ انت
منی زند ءِ رُنگ راہ ءَ چوں اے چم خمار بنداں