شِنگ کن:
گُلزمین منی لوگ ءُ آزمان منی شہر اِنت
اے جہان منی بازار، آ جہان منی شہر اِنت
ہچ نہ زاناں من وت کہ ہؤ کُجام گُناہے کُت
مرچاں چہ منا چو کہ بدگُمان منی شہر اِنت
ہر ہَمُک گِس ءُ کُلّ ءَ آس دوزہے بالیت
نَے توار، نہ برٛمشے، بے زُبان منی شہر اِنت
المّءَ کرامات اِنت اے تئی درٛوشم ءُ رَنگ ءِ
ہر گوٛرا تہاری اِنت ماہکان منی شہر اِنت
ندٛر باں بہ شنگین ئے بِیکّءِ ڈَکّمیں ٹالاں
کرنے بیت کہ اَندیم چہ مہپراں منی شہر اِنت
چوں سِدان ءُ گِستا باں مِہرءِ منزل ءَ ممتاز
کلکشاں منی راہ اِنت، تئی گُشان منی شہر اِنت