شِنگ کن:
ھون سوختو زوان بشکثئوں جذبھاں ڈات مں چیٹثہ مں غزل گشتغاں
ماث لاف ءَ شہ گفتو داں گورئے دف ءَ دیثہ دنیا لکا مں غزل گشتغاں
است اَثش چو غذر یار ثاں ھمسفر بیثہ کندان ءَ سر سنگتاں گوں سفر
کشتو متلو وثی دوست سرگفتغاں دانھہ کھذا مئی دل ءَ مں غزل گشتغاں
ما ملنگ ءُ پکیراں گوں جند رولثہ مھرئے ھئیریات کس ءَ نہ داثہ مناں
نیٹّا کاسغ دلئے انڑزی آں پر کثؤں نشتغاں ایکوا مں غزل گشتغاں
یکھ ءُ دومی سر ءَ لکھیں اتبار اَثاں یاد کن سالانی کَول ءُ اکرار اَثاں
پرشتغاں آں کَسم بیثغاں نمب چم بیثگئے تَو جدا مں غزل گشتغاں
دڑد یکیں دراھ ایں جھان ئے دل ءَ یہ رنگیں انڑس کلانی چماں رشاں
اے لگْوریں جھان ءِ دفی زارھاں آزماں سر کثہ مں غزل گشتغاں
سئید اختر شذغیں بھارئے غم ایں، دیریں یارئے غم ایں سرڈگارئے غم ایں
سنگتانی دغا ھون ریش ایں زخم سامبث ؤ سینغا مں غزل گشتغاں