ہُشکیں رکّانی ڈکھ
زرڈیں چمانی غم
وہاو ءَ نیلی مناں وہاو ءَ نیلی مناں
مینشفاں کوشل انت تھیر شانیں بہان
مست ءُ اڑ بیثغیں
مڑدم ءُ مڑدکے
ہون ءِ دانہہ ءُ پرات
وہاد ءَ نیلی مناں وہاو ءَ نیلی مناں
ماہ ءُ استار بنت میڑواں منتی
یار وھشاں نوی
روش گیمر تغیں
بے اُمیکیں تہار
وہاو ءَ نیلی مناں دہاو ءَ نیلی مناں
کولر ہاں رواڑی ایث ناگمانیں دلیل
وخت بے باور انت
جند ءِ لکھ جھوریا
لال ءِ بے صحبتی
وہاو ءَ نیلی مناں وہاو ءَ نیلی مناں
آں کہ تختاں گھڑا نت بُڑزیں کوٹاں جن انت
وذشذ ءَ شہ مِراَنت
ڈن ءُ بُراں کف اَنت
گژنگی بے دری
وہاو ءَ نیلی مناں وہاو ءَ نیلی مناں
روشے من سمبراں روشے تَو سمبرئے
روشے آں سمبرایث
کُل جہاں سمبر ایث
مزل ءِ جوش ءُ جھمب
وہاو ءَ نیلی مناں وہاو ءَ نیلی مناں
میر ءُ سڑدار بنت مئے مزور ءُ شوانک
ہُشکیں رکّ سوز بنت
زڑدیں چم سُہربنت
نوخیں زیند ءِ توار
وہاو ءَ نیلی مناں وہاو ءَ نیلی مناں