بْیا بْیا من ترا نازیناں
زوران کُلبرا نادیناں
۔۔ڈکاں سرجمی گوازیناں
دودایاں وتی نادیناں
ھیرونکءِ بھشتیں ترانگ
سامی دلکشیں دلمانگ
بْیارے للّ لہ جنگانی
کوھا سرجمین بنگانی
شیدا پہ وتی مات کوھاں
آپ بندءُ کسانیں جوھاں
نریان ءِ بزین گورم جاھءَ
راھا گوستگین ھمراھا
نشتگ ماں پسُندے گٹّءَ
دژمن کپتگاں ماں پٹّءَ
تھتءِ کاروان اوشتاتگ
ھوران گوارتگیں شر جاتگ
دازانی بزین سِنگارا
کاشءُ کونراں تام دارا
ھے ھے پہ ھما آپ بندا
مچءِ کنڈگءُ جاھ نندہ
وش اَت آ بری دور جاھ اَت
شمشءُ ھالکو ھمراھ ھت
چمان زاگلیں کوچک براہ
ڈولداریں کپوتءِ ھمراہ
سھتے جلتیں بانور سنج
آپان رُستگیں شِمشُل رنگ
پُرکیف ءُ خماریں چمان
ماری لُڑگاں تئ گم ماں
بارین چون بیت گیشکورا
ھارا ملتگ انگْورا
بالاد سْیاھجی ءِ بندان اَنت
وش وشءَ پدا کندان انت
شاھانی کھور بہ نور اَنت
مھرانی گْونِک سِمسور انت
چاگی سر جمہ پُر بوتءَ
راسکو پُل گُدیں سُھر بوتا
جنت گونگیں بولان مے
گنجل گُشتگیں کولان مے
مھرۓ زامران یل داتگ
ارساں بستگیین شل داتگ
نیم روچا روان بوت کوھا
بْیگاہ واتری پہ لوگا
شعران بس بکن جاسم دوست
پہ کسّءَ نوں مکن انچو اوست
باگیں مے بلیدہ ویران
ھرکس گوں وتا کنتیں تران