شِنگ کن:
کْوانرگا اَنت غم کوانٹاں، دل شی سیستان ءَ رواں
درد بلکیں ایر نندنت کُوہ سلیمان ءَ رواں
ہلک دیمے سرگریت مَن سرگراں دیمے دگہ
مَہریاں اشتاپ شہرے ، من گیابان ءَ رواں
سمّو ءِ ہلک ءَ گوزان تہ مست ءِ احوالے گراں
یار چندے گوں مَرِیّاں من دے کاہان ءَ رواں
ھَؤ اڑے چمّاں مَنِیّاں تْرمپُکے ہم سَر نیَتک
کَلّراں عُذراں کِشاناں درد نقصان ءَ رواں*
راہ ءُ دَر ہچّی نہ مانیت میؔر من کہ لَڈّ اِتاں
کُونج کْراکاں بنت منارا مَن خُراسان ءَ رواں