شِنگ کن:
لولی لول کناں بچیگءَ
بچی پہ بلوچستان ءَ
قربان کنت سر ءَ ءُ جان ءَ
پیلہ کنت پت ءِ ارمان ءَ
لولی لول کناں بچیگ ءَ
بچیگ اوں بلوچ راج ئیگ اِنت
آجوئی گہیں تاج ئیگ اِنت
وت داری گُلیں باج ئیگ اِنت
لولی لول کناں بچیگ ءَ
بچ اوں غیرتی شیر میچ اِنت
راجی جوز گاں سر ریچ اِنت
یاگی ئیں پت ءِ پدریچ اِنت
لولی لول کناں بچیگ ءَ
بچ اوں چاکری دیہہ ءَ بیت
شنک پہ مکہیں ڈیہہ ءَ بیت
پس ءُ پیر کی بہیہ ءَ بیت
لولی لول کناں بچیگ ءَ