شِنگ کن:
منی امیت ءِ چراغ بے نور انت
منی چمروک چہ منءَ سک دورانت
منی دل چہ وشیان گست ءَ انت
منی زرد ءَ آ چش ءِ جمبور انت
منی پرس ءِ پترا پرّ ریچیت
منی دوستءِدشمنءَ گون سور انت
منی شہر انت نشتگان من ناگ ءَ
منی دوست ءِ میتگ انت بمپورانت
منی شر رنگ چو گش ءِ آدینک ءَ
منی زیبا ے مثال کا پور انت
منی جنت پر دگ ءِ پشت ءَ انت
منی خورانی بدل اے خور انت
منی بد واھان طلب منت نیست
منی اللّہ وت منی غم زور انت