شِنگ کن:
نیں مڑوخیں مڑدماں زیراں
ڈا جنوخیں توپکاں زیراں
لوٹھاں ساھ نہ لیکوخاں
ھمارنگیں سنگتاں زیراں
لغورئے چھیں کلاشی ئے
لغور بل کنگڑاں زیراں
یار زیند ءَ کناں ڈھنگر
پذ گورۓ ڈھنگراں زیراں
مار شگْاناں جنغیں کئے
ھماں کہِ مسیتاں لتراں زیرا
ھماں روش ءَ ھُذا بیاری
بلوچ مۓ اکھراں زیراں
بل جیھانئے درژ دانا
مۓ یک بئ بڈنڑاں زیراں
جیھاں گُشی دار چپا کھاں
اے گنوخیں شاھِراں زیراں
لعل ساھ ءَ آ کھجیں کش
تلاکیں کہ تھورواں زیراں