شِنگ کن:
پہ وت ءَ کسّ ءَ پاسپاں نہ کن آں
گوں وت ءَ دوستاں گِرّکاں نہ کن آں
گوں تو شپ روچ جیڑگ ءَ اِنت دل
گوں تو من گپّ ءُ تْران کن آں نہ کن آں
انچیں کار آرتگ اَنت گوں من دوستاں
آ کہ دُژمن گوں دُژمناں نہ کناں
آ دیوکاں کہ داتگ اَنت سوگات
من اوں زورآں دل ءَ کساں نہ کن آں
من اے دو روچ ءِ زندمانی ءَ
چہ وت ءَ کسّ ءَ دلگْران نہ کن آں
تئی گلہ ءُ گوں دُژمناں؟ ولّا
تلوس آں, پلپٹ آں, مرآں نہ کن آں
رنج ءُ گم زند ءِ ھمراہ اَنت بانُل
چوں چشیں زند ءَ جی ءُ جاں نہ کن آں