شِنگ کن:
پد ءَ فقیریءِ بے ساری ءِ پد ءَ کپتگ!
اے بادشاہ وتی گاری ءِ پد ءَ کپتگ
درآمدے کہ ترا عزت ءُ شرپ بخشیت
وتی ہما، کہ تئی واری ءِ پد ءَ کپتگ
اے کپتہ کار نہ لوٹیت پد ءَ کہ قہر بہ بیت
غریب پرچیا، سرداری ءِ پد ءَ کپتگ
خدا مکنت ترا دست ماں دست گوں دگراں
گشنت رند نوں لاشاری ءِ پد ءَ کپتگ
بگند وہد ءَ کہ زرّ ءُ طلاہ ءِ پوشاکی
چے درتہ شالے ءِ برْاہ داری ءِ پد ءَ کپتگ
عطا من ءَ اے گیابان ءِ دْرچکی ساہگے بس
لوار، چوں منی ہیناری ءِ پد ءَ کپتگ!