شِنگ کن:
او دیدگ اَ چ تئی مرگ ءَ
گُشئے کہ دیدگانی رُژن تامور اَنت
تئی مرگ ءَ منی اِمروز ءِ
سارتیں سُہب ہم کور اَنت
بَلے دیدگ
ہما روچ ءَ ترا کہ وہد ءِ زوراکیں
لگتّاں چیر ترّینتگ
ہما روچ ءَ تئی اَرواہ ءِ بُلبل
بال ءُ نیم بال اَت
بَلے اَنگت تو اُفّار اِت
حیال ءِ لاس ءُ مُروار دکمات اَنت تو
بَلے وہدے
تراکہ گیدی ءِ بے مہریاں
ٹپّے دل ءَ گوٛر جَت
گُڑا
مئے زرد ءِ ہُلّانی رباب پُرسیگیءَ نال اِت
گُلاب ءِ پُل باگانی تہا بندیگی ءَ نال اِت
ءُ تئی مرگ ءَ
من زاناں شاعری ءِ عاقبت
تُنّیگ ءُ ہینار اِنت
بلے دِیدگ
من وہدیکہ
دل ءَ جیڑاں
گُڑا جُستے
سر کشّیت
بَلے اَنگت
زُبان گُنگ ءُ منی گویاک بیگوٛاہ اِنت