شِنگ کن:
نہ بیت ایر گُل ءِ دست داں کُران ءِ سرا
من ءَ چو سِتک نہ کنت آئی ءِ زُبان ءِ سرا
حُدا بہِ زانت کہ منی مھر ءِ آکبت چے بیت
من ءَ نُوں اوست نہ کنت جند ءِ مہروان ءِ سرا
دو روچی زند ءَ من ءَ بادشائی بھر نہ بوت
تمامیں زند منی گُوْست پہ دو نان ءِ سرا
بگندے بلکیں دمانے تو سئیلا در بہِ کپ ئے
پمیشکا راہ ءَ تئی چاراں ھر دمان ءِ سرا
گلائے پہک دل ایں صادق ءَ تو ھر٘وچ ءَ
آ رد کپان اِنت تئی پُلیں جی ء جان ءِ سرا