شِنگ کن:
سرگران ءُ کارے مہتَل کنت منا
یک پری دِیدارے مہتَل کنت منا
مُرگ لَڈّنت گوں سرانوئیں گماں
پُرْشتگیں بازارے مہتَل کنت منا
وَہمے رودینتگ گوں ھوناں من وتی
مہروانیں مارے مہتَل کنت منا
آ کۓ اِنت کہ زندءِ جنگ ءَ پش کپیت
است انچیں کارے مہتَل کنت منا
سُتکگیں ہلک ءِ تہاریں دیدگاں
شہم کنت استارے مہتَل کنت منا
جنزگا اَنت کوہنیں دردانی طبیب
نوکیں یک آزارے مہتَل کنت منا
ہیسکگ ۓ دائم مُنیر پاداں اَڑنت
شپ گُشئے بیمارے مہتَل کنت منا