شِنگ کن:
تئ وپا ءُ مھر پہ من یار پارسنگ ءَ نہ جنت
تو برو بے گم ببو اے دل تئ زنگ ءَ نہ جنت
نشتگ ءُ پرچہ ملور انت باریں کئ زرتگ گماں
گواپ نہ کنت ملگوراں مسکیں پلے ماں پنگ ءَ نہ جنت
کلکشان ماہ ءِ گوں رژن ءَ چہرگ ءَ تئیگ ءَ نہ جنت
چنچو زیباےء تو نازل کس تئ رنگ ءَ نہ جنت
انچو شیواریں ما بیا نوں چو کہ میریں چاکر ءَ
کسے اچ ما باج نہ بارت ءُ مھر ءِ ماں جنگ ءَ نہ جنت
تئ جلال ءَ زہیر زیر انت ءُ نہ گیپت تاہیر دمے
چو نہ نندیت ایمنی ءَ دانکہ دل بنگ ءَ نہ جنت