شِنگ کن:
ترٛانگانی تئی ہما کہ داتگیں ٹپ نرم نرم ءَ کِنزاِتگ
زُلف بُتک اَنت مَہوشانی ءُ پدا شپ نرم نرم ءَ کِنزاِتگ
تاں ہما روچ ءَ کہ اَمباز کُت تئی کرپاسیں بدن پہ واہگے
چہ منی جان ءَ گُشئے آ گوٛہری ئیں تپ نرم نرم ءَ کِنزاِتگ
تو گوں پُرمِہریں دلے پہ اِہوتی ءَ گُشتگ اَت دَزگِر منا
اوئے باتاں چہ دلءَ تئی کہ ہمے گپ نرم نرم ءَ کِنزاِتگ
وشّ وشّ ءَ دوشی تئی یاتانی کوش ءَ پہ کہیب یے کشّتگ
چہ دل ءَ اَندوہ ءُ درد ءِ دوزہ ءِ جپ نرم نرم ءَ کِنزاِتگ
وہدے تئی ملگور ءِ شنگیں بو زَبادی مِسک ءُ عنبر شِنگ اِتگ
واہگ ءِ بانور ءِ دیم ءَ درد ءِ سرگوٛپ نرم نرم ءَ کِنزاِتگ
تو کہ گوٛستئے ماں دلءِ تاہاپ ءُ ہِینّاریں پِڑ ءَ بے حاجتی
تئی غم ءِ نازاک ءُ نایافتیں ہما سرٛپ نرم نرم ءَ کِنزاِتگ