شِنگ کن:
وھد ءُ جمبراں ھمراہ امرے ءَ سفر بکتیں
زندگی چو وشبو ءَ گوات ءِ ھمسفر بکتیں
من وتءَپدءَ گوں تو راھےءَ بہ رمبیتیں
تو اگاں منءَ پمن بیارتین ءُ سر بکتیں
من ترا زریتیں چو پلے ءَ ھمک پاس ءَ
تو دلءَ چو درچکےءَ انچو تاک ءُ بر بکتیں
من پدا وتی گنگی گالے ءَ بہ گالینتیں
پرشتگیں دل ءِ کانچ ءَ اکسی ءَ ھبر بکتیں
زندگی چو بندیک ءَ مان گیشتگ گوں وت
تو کدی بیاتکینئے لھتے تاب در بکتیں
نستگیں نسیب ءَ گوں گلہ ئے چیا شاری
وھد ءَ بر نہ گردینت کہ گَٹیں کار شر بکتیں