شِنگ کن:
عطاشادءِزمینءَ
زہیرءَ زَپت گُشنت ترٛانگ ءَ شکر نہ گُشاں
حیال ءِ منزل ءَ مہرانی گنجیں دَر نہ گُشاں
منی او موجریں نیمون وتا بہ کن پدّر
ترا من اِشکُتہ مردم مروچاں شر نہ گُشاں
بُگش تو باریں ترا تئی اے ہمسریں دَزگوٛار
وتی اے عاشقءِ دَمکاں کدی بہ تر، نہ گُشاں؟
کپیت چہ قدّحیں چمّاں تئیگاں ترٛمپے اَرس
وتی من شعراں تَناوہد ءَ بے اَثر نہ گُشاں
منی گوں دامن ءَ ہمراہ بہ بات ہمے پولنگ
تئی پہ ہاترا وہدے منارا شر نہ گُشاں
چتوریں گپّے کہ بند بند آزگیں اَنگت
وتارا من بَلے ممتاز در پہ در نہ گُشاں