زِی زمستانی شفے اث، نی یہ گرمانی شفے

زِی زمستانی شفے اث، نی یہ گرمانی شفے

زِی دہ شوکاراں گوں گُستہ نی دہ ارمانی شفے

مئے زذغیں ڈوبرا را رُستغایاں دڑد گل

آں طبیبیں کئیث روشے، کنت درمانی شفے

کئے گُشی کہ عاشقانی زِند مِستاغاں گُزی

عشق مستاں یا مریداں پہ یہ ارمانی شفے

نالغاں چو شانتلے ئا گوں دل ئے جہل و بُناں

بیا مروشی تھئہ گوازیں لال مہرانی شفے

مستغایاں ھون گل دوئیں دیذوخاں منی

نیٹ پیلو باں مراد مئے نغاہانی شفے

ماہتابے سنگتی بی اے دوئیں روشاں منی

ماہ و سالاں شہ گُزیثو بیث کرنانی شفے