شِنگ کن:
اے بیل ءُ یار ھمک اعتبار ءِ ھون کننت
آ دل گنوک چی ءَ مھر ءِ رازاں گون کننت
ستم نہ انت کہ بہ بنت گرگ مئے پسانی میار
بلے کہ رھزنی ھر رنگ ءَ رھشون کننت
گوں درد ءَ پکگیں پا ھاراں دل من رودنیتگ
ھما چہ درداں زبھر انت زند باریں چون کننت
کدی اے گری کڑیل زند ءِ راستی آں سیلنت
کہ دروگ ءَ راست کننت نوگناھاں پون کننت
من پچ نہ تراں گوں ھوکار ءِ حشکیں ٹاپاراں
داں کد اے اماں گوجنت زھریں کرگاں رون کننت
ماشر زاناں کہ ردکارانی پچی انت بستار
اے جون وار شھیدانی روحاں جون کننت
صبا اے شدت ءُ بے رھبندی آں مکن تو کمار
کہ سرپچار پہ مرگ ءَ مڑاھے گون کنت