شِنگ کن:
آبلہ پادیں گنوکاں گرْیشگے بندر نہ کت!
ھچ کسءَ ھشکیں زبان کنٹگانی تر نہ کت
ترْونگلاں آدرْہ کُتگ زندءِ کِشار
اَنگہ تئی مِنّت سَرءُ چمّاں کہ تو انگر نہ کت
داں ھما ھدّءَ من ءَ گرّینت تئی شھرءِ مردماں
سِسیتگیں گردُول داں جان ءَ در نہ کت
سُتکگ ءُ پُر بوتگاں بژنیگاں کہ
پہ تئی بوسوچ ءَ چیا مَن وتءَ اشکر نہ کت
وش نیاتکانی رَدیں گپّاں گوں دِلگوش اَت مُدام
مئے ظفرؔ راستیں ھبر بے باورءَ باو رنہ کت