شِنگ کن:
اگازی! بیاگوں چنگءَ گوْانزلوکیں
دل ءَ اومان کتگ مرچی گنوکیں!
ھماپنّام ءُ چیریں واھگ ءِ گپّ
مروچی پاشک کتگ ارساں شلوکیں
گوں ھِنّی رَتکگیں نازُرکیں دستاں
بوارین کدّھے سرمال دیوکیں،
نہ بیت کوراس تئی یاتانی مجلس
کہ ھردردے دل ءِ کندیلے روکیں
چہ پیم ءَ سُھب کُتگ بے توگم ءِ شپ
بروجُست کن چَہ اِستاراں ترْپوکیں،
گوں مِسک ءُ مِھلب ءُ بوّاں زبادمال
ھمک سُھب مھپراں رَنداِیت رِچوکیں