شِنگ کن:
بدوفائیں دوست پرچہ مارایل داتءُ شُت ئے
ھازگیں دل انگرءُ آساں چگل داتءُ شُت ئے
زندگاں رھچاراں بلکیں بیائے قولانی پدءَ
اوستءُ اُمیتانی اوتاگاں اڑل دات ءُ شُت ئے
پہ تئی گیوارءَ گُلباگءِ گلاں من ندرکناں
گوھریں دردے دل ءِ مھرءِ بدل دات ءُ شُت ئے
لیلیٰ ءِ زُلفانی وشّیں بوءِ گیج ئے ترْانگ ءَ
اَے بہارانی ہوا مئے جیگ تَل دات ءُ شُت ئے
مُدّتے رَندگوں ماھم نیادبوت ئے مرچی ظفرؔ
پہ مئے وشّیں مجلسءَ شھدیں غزل دات ءُ شُت ئے