شِنگ کن:
چمّ اِت پوراں سکّ اَنت راہ ءَ روان ئے پرچیا؟
اَجگ ءُ نازُرکیں گُلاں پادمال کناں ئے پرچیا؟
دل بُلوریں مندگ اِنت پہ تژنے ءَ تْرندین ءُ تو
مُشتکے دست ءَ کتگ پاداں گِراں ئے پرچیا؟
مَھتل اِنت ارواہ منی ھمبل !پہ لال ءِ گِندگءَ
توسَرون ءَ نشتگ ءُ یاسین وان ئے پرچیا؟
اوست ءَ دیدارءِ گوںتُنیگیں دلے اِشت ءُ شُتَاں
نی سرءُ سرچادری نودی شلان ئے پرچیا؟
گوں وتی ھوناں من سِرْادیں کِشکے پتّوکشّ اِتگ
انگت ءَ تومنزل ءِ راہ ءَ نزان ئے پرچیا؟
لانچ اِتگ پُھل ءَ سرات ءِ پہ گَلے گوْازیں ئے تو
راست ءُ تچکیں راہ ءَ سرکونڈی وران ئے پرچیا؟