شِنگ کن:
چمّاں گوں چیروکانی مارا وتی بگُش
روچے تو ناگہانی مارا وتی بگُش
بانداتیں روچے دیگر ءِ شنگیت شپ پدا
شیر ماہیں ماہکانی مارا وتی بگُش
مہر ءَ رالوٹیت شاہد، نہ قبض ءُ کاگدئے
اَنچو تو سر زُبانی مارا وتی بگُش
بِلّے کہ لاپ سوچ بنت عاشق تنی ریٹہیں
یک رندئے تو پِلانی مارا وتی بگُش
ہر دست ئے ءَ شلے تو بہ شل کسّ ءَ مانمیار
قولیگاں کندگانی مارا وتی بگُش
بِل عاشقاں نوائیں دردواریں عیؔد ءَ تو
دوست ئے چہ درکسانی مارا وتی بگُش