چہ حجابانی زندان ءَ ڈن ءَ درا تو اوں گپے بجن

چہ حجابانی زندان ءَ ڈن ءَ درا تو اوں گپے بجن

مُدّتے بیت منارا من جیڑاں ترا تو اوں گپے بجن

سہب ءِ ساچان تئی، ماہ ءِ مہکان تئی، زند تئی مَرگ تئی

من اوں قربان ءُ کولیگ باں سد برا تو اوں گپے بجن

بیا منی دیستگیں قہریں تہنائی ءِ واباں مانا بکن

بیا من داراں ترا دیدگانی سرا تو اوں گپے بجن

تئی کہ بانوری ءِ شادہیں روچ بنت کاڑ کُل سمبہنت

من دیاں سرگوپ ءَ سُہر ءِ ہارے گورا تو اوں گپے بجن

تو کہ زوراکی ءِ رُستگیں کہچر ءَ لوٹئے ولگوج کنے

سر بہ گوز قاضی چکاس ءِ آس ءُ چر ءَ تو اوں گپے بجن