شِنگ کن:
جند ءِ پدّاں گراں پدّاں گوں روان کت
شرمندگاں کہ من وتا چنچو کسان کت
مئے انچیں قسمتے کہ نہ سیلّیت گوں ہچ کسّ ءَ
تو باریں چون وتا گوں منا مہروان کت
کئے بیاریت نوں پدا ہما باریگ ءُ نوبتاں
پیری چیا منا تو دو بر نوجوان کت
تو کہ منا شمشت چو روز رد ءِ ساہگ ءَ
من جند ءِ ترانگانی تہا بُنگران کت
بس یک برے بہ مِر کہ نزانے محبت ءَ
ہمروچ مَرگ ءِ نام کتئے ءَ زند مان کت
امروز ءَ گام گام ادا شاعرے رسیت
قاضی زمانگ ءَ ترا پرچا نشان کت