شِنگ کن:
درگپتہ ھزار سنگت ھمراہ نہ دیستگ من
جنگجاہءَ تماھانی ارواہ نہ دیستگ من
دروہ اِت چو منءَ باز ءَ اوست ءَ مں بہ ننداں کئی
ھئو زالمیں دنیا ءَ دوزواہ نہ دیستگ من
چو بیت کدی باریں واتر مں پدا بیاھاں
گوں جندءِ وتی یاراں ھمراہ نہ دیستگ من
دروھیت چو کزا یکے دردانی زھیں پندءَ
بے وابیں سرےءَ چو سر جاہ نہ دیستگ من
بدکردیں لگورانی آسر اوں تباھی اِنت
بے موت ءَ کشگ بوتاں بلئے آہ نہ دیستگ من
گپار گوں وتی بھت ءَ گلہ تو مہ بی اینچو
ھیوان ادا بازیں بندجاہ نہ دیستگ من