زندے اے دوہیں روچاں زندگ مں بیئگ لوٹاں

زندے اے دوہیں روچاں زندگ مں بیئگ لوٹاں

گال اَنت کہ پہ سوگاتءَ راجءَرا دئیگ لوٹاں

ھرچی کہ وس اَنت جزماں سوگات ئےِ کناں پر تو

وتی شھدیں زبانءَ من براھدار کنگ لوٹاں

ھچ سُد ءُسما نِیست اِنت باندات منی چون اِنت

نوکیں مں دگہ  نامے مرگءَرا دئیگ لوٹاں

مئے دودءِ ھمئےراھبند پادمال مکن جند ءَ

کارے کہ نہ بیت دست ءَ تاوان ورگ لوٹاں

سر زاھر ءَ پلگار اِنت ھمراہ نہ بیت مرچاں

راہ گپتگ مجاں زاناں من پر تو مرگ لوٹاں

راہ گپتگ وتی تچکیں نی پُشت ءَ نہ چاراں من

چہ زالماں اے رَندی باج ءَ مں برگ لوٹاں

آسر بی اے سیاہیں شپ یک وشیں سباھے کئیت

من دُرستیں وتی راجءَ یکجاه کنگ لوٹاں

نی بسّیں سرءِ گاری آپ چہ مئے سرا گوستگ

گپار من وتی ڈیهہءِ نام ءَ پہ زرگ لوٹاں