شِنگ کن:
دریگتیں تو ہم منءَ را وتی راہءَ بُرتیں
مہرءِ گُلباگءِ گُلیں منزل ءُ جاہءَ بُرتیں
مَا تئی محرم ءُ تئی عشقءِ فقیریں بندو
جنّتءَ مَارا ہمے نیکیں گُناہءَ بُرتیں
ساچ یے پر بستیں وتی زیبءِ منی نُگرہ بدن
ہر کُجا باج تئی مَاہیں لقاہءَ بُرتیں
زندگی گار نہ بیت دائمی امروزءِ مُجاں
ترانگءِ شہرءَ منءَ مسکیں سباہءَ بُرتیں
عیدؔ بژنیگ نہ بیتاں چہ وفاداریں گماں
مئے سرءِ ہوش تئی جیگءِ تلاہءَ بُرتیں