شِنگ کن:
دست بندءَ کیت جگر پیوَند بیت
اشک نامءَ سر دُبر پیوَند بیت
من تو ہرپیں ہور بیں تہ جوڑ بیں
چو کہ گوں لبزاں ہبر پیوَند بیت
گار باں یا کایاں دیدارءَ تئی
راہ بیگواہیءَ در پیوَند بیت
ہاجتی کنت جی پہ میرانی نہنگ
ہؤ کہ گوں دشتءَ نگور پیوَند بیت
ترمپ ءُُ ہاکءِ دوستیءِ گپءَ مہ جن
کےَ گُشیت کہ ہُشک ءُُ تر پیوَند بیت
پیریءِ مہر اِنت چو لاڑیں مَہریءَ
من باں ورنا آ شکر پیوَند بیت
متلب ءُُ مَیل اِنت کہ منظورءَ کُشیت
اُف! اِدا ہرچی پہ زر پیوَند بیت