شِنگ کن:
دلبرءِ یات بہ بیت، شعر بہ بیت، گال بہ بیت
زندگی فکرءِ گلاباں گوں گلءَ بال بہ بیت
ماکہ شوبازءَ وتی گاریں اے امروزءِ شپءَ
تئی نگاہانی چراغ راہ سرءِ دیوال بہ بیت
پہ دو ارواہاں شریداری بمانیت دائم
دوست منی دست ءَ تئی داتگیں دزمال بہ بیت
کہچراں دیدگءِ آگاہ انت پل راہءِ سرءَ
نود ساچان بہ بنت تئی آیگ ءِ احوال بہ بیت
سوت ءُ نازینکءِ تہا شانتلاں اے دُعا لوٹ ات
زردءِ اے واہگ انت بانور زبادمال بہ بیت
دست چارات منی دست چاراں تئی نام درگپت
نیک پہ تالہءَ بلکیں اے نوکیں سال بہ بیت
شاعری گپ جنت پلّاں گوں عیؔد آگاہی
چے اے ماہکانیں شپاں شاعر ءَ کمال بہ بیت