شِنگ کن:
دل دریکگ ءِ توار وتا گار کنت ءُ روت
تئی آیگ ءِ توار وتا گار کنت ءُ روت
کِشکانی بولیاں بئیں سرپد،تہ وھدےءَ
آ میتگ ءِ توار وتا گار کنت ءُ روت
آوازے اتکہ دوریءِ، گوشانی پردہ ءَ
ھمسائگ ءِ توار وتا گار کنتءُ روت
کوہانی پُشتی نیمگءَ شیدائی یے چمیت
دیوانگ ءِ توار وتا گار کنت ءُ روت
تانگو بُہ پولاں ساھِگ ءِ برمشانی ھستیءَ
شپ پرتگءِ توار وتا گار کنت ءُ روت
داد بے ترا ابیتکی ءَ زانتہ کہ ھچ نہ زانت
نو* زانگ ءِ توار وتا گار کنت ءُ روت