شِنگ کن:
زندگی بے گمان ءَ بیت تہ مریت
اے دمان آ دمان ءَ بیت تہ مریت
وھد اُمبر ءِ نشان ءَ ساہ کشیت
ملکموت ءِ کمان ءَ بیت تہ مریت
گوات کئیت اِنت دریگ موتکءَ باں
یک چراگے مِران ءَ بیت تہ مریت
چم دروہاپیں مِنزلاں بوج ایت
کشک پاد ءَ گران ءَ بیت تہ مریت
تراس گیپت پیر زالے ءِ ارواہ
تئی ودار ءِ نِوان ءَ بیت تہ مریت
ایوکی نیمگے یہ توسیپ ئے
پہ وتا جی ءُجانءَ بیت تہ مریت
روک بالادیں داد ءِ آسیں توار
آپدان، آپدان ءَ بیت تہ مریت