شِنگ کن:
دل ملوری تئی حال وش بیتگ
پمّن ءَ نوکیں سال وش بیتگ
”کشّ اتگ کوشءُشنز اتگ نوداں“
مستیاں بیک ءِ ٹال وش بیتگ
پہ دپی وشاتکءُ چم ءِ درہباتءَ
شپ جنوزامیں زال وش بیتگ
دُوری ءِ سند تو مُہریں اوتاگاں
غم مکن دوست کہ پال وش بیتگ
بیار شراباں گوں قدّح ءِ بھنگاں
گوں منءَ مرچی لال وش بیتگ
واہگ ءِ سور ءُ درد ءِ عاروسءَ
بالی مُرغانی بال وش بیتگ
عیؔد نمیران ءِ داں جہان ہستیں
تئی ہمک مارا گال وش بیتگ