شِنگ کن:
دل زہیرءُ ترانگءِ گپءَ بکنت
مئے گلیں دردانگءِ گپءَ بکنت
تو کہ وش نیادءِ گوں میریں چاکرءَ
کئے تئی دیوانگءِ گپءَ بکنت
ہو تئی اندام مثلء اللہءِ کلام
ہو زمَانگ وانگ ءِ گپءَ بکنت
آوتی کہ جندءِ حالءَ سہی نہ انت
آمنءَ چوں زانگءِ گپءَ بکنت
عشقءَ کئی چو ستکگ ءُ پر بیتگاں
نیست چراغ پروانگءِ گپءَ بکنت
گوں زہیرءِ زیمراں نل ساز اتگ
جی تئی غم شوانگءِ گپءَ بکنت
کہ جہانءَ رنگءَ یک تاہ انت ہما
عیدؔ آ یکیں دانگءِ گپءَ بکنت