شِنگ کن:
دژمنے دیما انت جنئگ لوٹیت
اے پڑءَ دل مزن کنگ لوٹیت
اے زمینءَ ترا پناہ داتگ
آزمانے سرا کنگ لوٹیت
اتکگ دژمن سراں گوں لَئیبا انت
نوں دگہ کشکےءَ روگ لوٹیت
شاعریءَ گوں تراشتگ تُنءِ بدن
عشق دریاءَ سنگرگ لوٹیت
انچیں تہنائی یے کہ آسءِ وڑا
گوات کشیت تہ بُنگرگ لوٹیت
پُل تئی دروشماں تئی رنگاں
گوات آدینکے پچگرگ لوٹیت
دراہیں شہرءِ شراب ہمیش انت دوست
نوں بس دریایےءَ روگ لوٹیت
نشتگ ئے مجلساں بلاہیناں
نوں اے لنکہ اوں ایربرگ لوٹیت
پُل ارشاد ہزاراں دنیاءِ
مارا کنٹگ نوں دَرچنئگ لوٹیت