شِنگ کن:
نہ پرشت لنٹانی تن اے راہءَ منا چہ پیسر
شرابءِ نامءِ گرگ گناہ ءَ منا چہ پیسر
تئی انتزارءَ سباءِ دروازگءِ دپءَ اَنت
دراہیں استال گوناں ماہءَ منا چہ پیسر
منا چہ پیسر زمین است ات ناں آزمانے
نہ زاناں باریں خدا کجا ءَ منا چہ پیسر
مئے آہگءَ گوں دراہیں دیوانءَ آس لگّت
ہبر کن باریں ہبر کجاءَ منا چہ پیسر
مہ ترّین چمان کہ دروشمانی چراگ روکاں
بہ دار یک جاگہے نگاہءَ منا چہ پیسر
ہما کہ تئی انتزارءِ دنزاں نوں بار گپتگ
ہما کہ چو مردمءِ وڑا ءَ منا چہ پیسر
مئے آہگءَ گوں غزل وتی دروشمءَ اِنت ارشاد
زبانءِ درد چہ دلءَ جتا ءَ منا چہ پیسر