شِنگ کن:
دریگتیں! زیت بدل اے بدیں باتنت
غرق نیلبوئیں زِرے اے شد و واری باتنت
رو درآتک ءَ چہ درآیات گل و وشّی ءِ روچ
گار و گُمسار غم و رنج ءِ تہاری باتنت
شنگ بات کوچگ ءِ ہر کنڈ ءَ تئی آیگ ءِ حال
زند ءِ راہانی سر ءَ دُرہ تئی چاری باتنت
برات وتی برات ءِ نیادانی بباتنت تُنّیگ
داں جہاں ہستیں، سلامت چشیں یاری باتنت
اِے کہ چاگردنت ہمُک وہد تئی بالاد ءِ
پہ ہمے گپ ءَ میاری اَنت، میاری باتنت
جُلگہہ ءَ پراہیں کسے گوں کس ءَ بیریگ مبات
وت ماں وت شیر و شکر آسک و شکاری باتنت
ساحرؔ ءِ ایش دُعا انت کہ گنوکانی تئی!
درد و دورانی شپ و روچ شماری باتنت