شِنگ کن:
دُر گُل ءِ جوریں زھیراں زند ءَ چہ بے زند کُتگ
من وتی شُومّیں دل ءَ را نارگ ءَ چہ بند کتگ
پہمتِگ دُروگیں ودارے، دروگ اَنت، اے سوگند ءُ قول
ما وتارا وت پہ دُرْوگی ڈنڈ کتگ اِشکند کُتگ
جوریں بدچے کُت کن اَنت مھِر ءَ منی بیل ءُ یلاں
تُرس گِسر کپتگ چہ من درداں دل ءِ ھمبند کپتگ
نوں غم ءِ تُوپّان ءُ ہاراں دلجمی گوْازیناں من
باز رند ءِ زیمل ءِ زیم ءَ دل ءَ باھند کُتگ
ناوسی ءَ چے کناں تژن ءُ شگاناں ھار کُتگ
ماوتی نوں واھگان ءَ پہ نیادے تند کُتگ
نالگاں تالاں کناں حالاں گُل ءِ سِنگیں دل ءِ
مرچی نوں پدّر کناں کہ دُوری ءِ رھبند کُتگ
بیائے بیلاں پمّن ءَ نوں بند بُوتگ رحم ءِ در
دُوری ءُ گِستائی ءِ مارا ھیالاں ژند کُتگ
ایمنیں زرد ءِ توار ءَ گوشدارایت کئے خلیلؔ!
مُپت ءُ ناحق ءَ گل ءِ گِندگ چیا سوگند کُتگ