کدی ماھیں گُل ءَ واب ءَ بگنداں

کدی ماھیں گُل ءَ واب ءَ بگنداں

دل ءِ بنداں دگہ پیمیں بِسنداں

بکنت روژنا دل ءِ لُنجیں جھان ءَ

گڑ ءَ پہرے پہ دل پہکی ببنداں

سلام ءُ دُرْوت ءُ واھگ دُرگُل ءِ کہ

رَسنت من آپسر ءَ ھجبر نَنِنداں

گل ءُ شاد ءِ ھبر چہ ھَلوت ءَ گوْست

زھیر ءُ درد ءُ رنجاں گوں کبُنداں

جناں دژمن منا تژناں بدیں سَکّ

گُل ءِ یاتاں دل ءَ پرچہ بِسنداں

وفا ءِ ھاتر ءَ بندیگاں بلکیں

گوں دوستاں وشّ ءُ بدواھاں من تُرنداں

خلیلؔ!کوْھنیں شراب ءُ کدّہ ءُ کیپ

بہ تِنگاں من گُڈ ءَ ڈولے بکنداں