شِنگ کن:
اے راز مرچی بہ بیت پاش کہ ہبر دو اَنت
تئی ہیال یا توئے مئے ہمسپر دو اَنت
گنوکی بیت یا ساری تئی درءَ کاریت
پہ یکیں منزلءَ راہیءِ راہ ءُُ در دو اَنت
مہ سِد چو سِستگیں استار دُمبیءِ بندیک
روَگ گوں آہگءَ بندوک تہ سپر دو اَنت
یا ہون شانئے یا ہاکءَ را شاہمءَ تورئے
تو زانئے مرچاں منی دوست بَے ءُُ شر دو اَنت
تئی جزم کوہ بہ بیت ءُُ منی گُمان ماہے
تئی پاد یکے نہ اِنت تہ منی اوں سر دو اَنت
تئی شات وش نہ کنت تئی گمءَ نیاں گَمباد
من دل زبہر کہ مرچاں تئی نپر دو اَنت
یا چہ تو بسملءَ زُرتہ گِلگ کہ تران نہ کنت
یا تو چرائیءَ دلپروش ءُُ رنج ہبر دو اَنت