شِنگ کن:
گُل چراغاں اوستءِ بالیں باندا بلکیں عید بیت
ما وداریگ چُنت سالیں باندا بلکیں عید بیت
واہگانی چار کُلّ ءَ بنت گلاب ءِ سُہریں پُلّ
لُنٹ ترْپنت مہرنگ ءِ لالیں باندا بلکیں عید بیت
کہ نوان ءَ نام ءِ مئے گوں بحتءِ استارءَ وتی
سمبھ اَنت کاڈ نوک سالیں باندا بلکیں عید بیت
حُورءُ گِلمان درور ءَ مئے دروہ اِت مارا دلبرءَ
بد ترا مِنّت شمالیں باندا بلکیں عید بیت
نام ءَ تئی زیب ءُ ستاءِ شعر گُشنت شاعر یلیں
شاہ نویسیں دُرّگالیں باندا بلکیں عید بیت
وہد کسّی یار نہ بیت ءُ زندگی پادار نہ بیت
شانتُلاں گوں زہیر نالیں باندا بلکیں عید بیت
عیؔدءَ انچیں شعرے گُشت کہ اُفّ جنئکاں مارا کُشت
پنّ ءُ مُرواک لُنٹاں مالیں باندا بلکیں عید بیت