شِنگ کن:
گُلاب ئے تو پُلّ ئے نہ چار ئے رؤئے
خطا چے دِل ئیگ اِنت کہ زار ئے رؤئے
مہ رنجیں منارا من ءَ زِند نیست اِنت
دگہ دردے پمّن جگر سِند نیست اِنت
منارا چہ تو دُور دار ئے رؤئے
منی بے قراریں دِل ءِ شان تئی اِنت
منی زِندگانی منی جان تئی اِنت
دگہ چے تو لوٹ ئے کہ چار ئے رؤئے
غماں کُرت کریاب منی اے دِل ءَ را
وتی مِنتّاں چو مہ لَڈّ تو منارا
غماں پرچی مئے بڈّ ءَ بار ئے رؤئے
دِل ءَ گار کنتیں تئی آشنائی
مکن گوں عزیز ءَ چُشیں بے حُدائی
کُش ئے وت ، من ءَ وت توار ئے رؤئے