شِنگ کن:
وفاءِ درچک
وفاءِ درچک ءِ شاہ ءُ لمب
شگربءَ تہ مگربءَ
نہ بنت بُرّءُ بے ثمر
کہ دیستگ کُل جہان من
شہار دیدگاں مدئے
شراب نوشیں موسمے
بچار کرن گوستگ اَنت
شراب ملگیں ملار
نیاتکءَ ہوشءَ آدمی
تئی ودارءِ دامنءَ
نہ سرپتگ پُل نوبتءِ
اے ساچءُ دروشمءِ نگاہ
اے برپ گونگیں نگاہ
تئی وفاءِ منّتءَ
چوزارجنت ءُ چیولیت
اے دل چو کودکءَ منی
جبینءَ آہ یے چست بیت
گمانءِ جنگل یے سُچیت
وفاءِ درچک گیمریت