شِنگ کن:
ہمے راہ چہ تو درآمد ہمے در ترا نہ زاناں
وتی جند ءِ سردیار ءِ کہ مسافر ءَ نہ زاناں
من پہ زوراِنسرینتگ دل ءِ درد ءِ کودکیں طفل
کیا پچ درہینتگ باریں چہ تو پیسرا نہ زاناں
آکہ ربّ العالمین ءِ درائیں قدرتانی تاج اِنت
کیا گشتگ ماہ ءُ کلکش منی دلبر ءَ نہ زاناں
تئی غم ءَ کہ مُدتے بیت چداں جنزاتگ پہ دیمے
اِے چراگ پرچہ روکاں دل ءِ اندرءَ نہ زاناں
درائیں عمرءَ آسریناں گوں اے موج ءُ مستیں کیفاں
من ابید چہ تئی چماں دِگہ ہچ ردءَ نہ زاناں
اِے زہیر ءِ چِٹ ءَ انچو من ءَ گوں وت ءَ پتاتگ
کہ من زندءِ ہچ درد ءَ گشئے بے ترا نہ زاناں
تو نثارؔ بے سمائے ادءِ نوکیں راہ ءُ رسماں
منی شہرءِ مرچاں مردم کس وت سرا نہ زاناں